ئاتا-ئانا بىلەن بالا ئوتتۇرىسىدىكى ئىشەنچ كرېدىتى

ئىشلەش دىنىمىزنىڭ ئەمرى، ھاياتلىقنىڭ تەلىپى بولۇپ، تىرىكچىلىك يولىدا تەر ئاققۇزۇش ئەڭ شەرەپلىك ئەمەلدۇر. گەرچە ئاللاھ تائالا بارچە جانلىقنىڭ رىزقىنى بېرىشنى ئۈستىگە ئالغان بولسىمۇ، ھەربىر جانلىقنى ئىشلەشكە ۋە ئاللاھ تائالا بېرىدىغان ئاشۇ رىزقىنى ئۆزى تېپىپ يېيىشكە بۇيرۇغان. چۈنكى، دۇنيانىڭ ئىشلىرى سەۋەبلەرگە باغلىق قىلىنغان بولۇپ، سەۋەب قىلغانلار مەقسىتىگە يېتىدۇ. ئىسلام دىنى ئىشلەشنى پەرز قىلىپ بەلگىلىگەن ۋە ئىشلىگەننىڭ شەنىنى، قەدىر _ قىممىتىنى يۇقىرى كۆتۈرگەن يېگانە دىندۇر. مۇسۇلمانلارنىڭ قۇدرەت تېپىشى ۋە خەلقئارالىق رىقابەتكە تاقابىل تۇرۇپ، ئۆزىنىڭ يۈكسەك ئورنىنى نامايان قىلىشى ئۈچۈن، ئۇلارنىڭ ئىشلىشى ۋە ئىشلەپچىقىرىشى ئىنتايىن زۆرۈر. ئاللاھ تائالا مۇسۇلمانلارنى ئىشلەشكە بۇيرۇپ مۇنداق دېگەن:  فَامْشُوا فِي مَنَاكِبِهَا وَكُلُوا مِنْ رِزْقِهِ «سىلەر (تىرىكچىلىك قىلىپ) زېمىننىڭ تەرەپ _ تەرەپلىرىدە مېڭىپ، ئاللاھنىڭ (بەرگەن) رىزقىدىن يەڭلار» ،  فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ «ناماز ئوقۇلۇپ بولغاندا زېمىنغا تارقىلىپ (تىرىكچىلىك قىلىش ئارقىلىق) ئاللاھنىڭ پەزلىدىن (رىزقىڭلارنى) تەلەپ قىلىڭلار» .

پەيغەمبەر ئەلەيھىسسالام مۇنداق دېگەن: «ھەكىم ئۈچۈن ئۆز قولى بىلەن ئىشلپ يېگەن تائامدىن ياخىشى تائام يوقتۇر، ئاللاھنىڭ پەيغەمبىرى داۋۇد ئەلەيھىسسالام ئۆز قپلى بىلەن ئىشلەپ يەيتتى» ، «ئەڭ ياخشى كەسىپ ھالال تىجارەت ۋە ئۆز قولنىڭ مېھنىتىدۇر» ، «جېنىم ئىلكىدە بولغاسن ئاللاھنىڭ نامى بىلەن قەسەم قىلىمەنكى، بىراۋنىڭ ئوتۇن توشۇپ تىرىكچىلىك قىلغىنى باشقىلاردىن تىلىگىنىدىن ئەلۋەتتە ياخشىدۇر. باشقىلاردىن تىلىگەن بىلەن ئۇلار يا بېرىدۇ ياكى بەرمەيدۇ» .